Sudan - Qetësim në Jug, frikë në Veri

Pas referendumit, Sudani Jugor, animist dhe i krishterë, bëhet një shtet i pavarur. Sudani Verior, po planifikon të vendosë sheriatin mbi të gjithë banorët.

“Jemi me të vërtetë mirënjohës të shohim atë që Perëndia është duke përgatitur në vendin tonë. Është një privilegj i madh të asistojmë në këtë moment historik. Faleminderit gjithë të krishterëve në mbarë botën për lutjet e tyre dhe faleminderit Zotit që i përmbushi ato.”

Banorët e Sudanit jugor dhe veçanërisht të krishterët ndihen të qetësuar. 98,6% e Sudanit Jugor, votoi për pavarsi. Presidenti Omar El Beshir (Omar El-Béchir) mori si angazhim të njihte rezultatin e votës dhe komuniteti ndërkombëtar e përshëndeti këtë proces për transparencën dhe besueshmërinë tij. Sudani Jugor do të bëhet shteti i 54 i Afrikës kryeqyteti i së cilës do të jetë Juba. Ndarja do të kryhet në korrik të 2011-ës.

Gjatë viteve të luftës civile mes Veriut (myslyman) dhe Jugut, kishat kanë punuar shumë në favor të paqes. Sot, ato duhet të ripërcaktojnë veprimin e tyre veçanërisht ndaj Sudanit Verior që shpreson të vendosë Sheriatin për të gjithë banorët. Më 19 dhjetor, presidenti sudan ka shpallur : “Nëse Jugu shkëputet, ne, pjesa e Veriut do të ndryshojmë kushtetutën. Atëherë nuk do të bëhet më fjalë për ndryshim fetar, kulturor apo etnik. Kushtetuta e re do të jetë e bazuar mbi sheriatin (ligjin islamik) dhe arabishtja do të jetë e vetmja gjuhë zyrtare.” Ndërkohë, në Sudanin Verior jetojnë të krishterë. Shumë kanë imigruar në Jug dhe jetojnë rreth Kartumit.