Egjipt - Një nga sulmet më të tmerrshme kundër koptëve

Të hënën më 10 tetor, në katedralen kopte të Kairos, mijëra njerëz morën pjesë në funeralin e manifestuesve të vrarë gjatë përleshjeve të një nate më parë.

Si përgjigje ndaj dramës që preku komunitetin kopt, Kisha Ortodokse Kopte e Egjiptit bëri thirrje për 3 ditë zie gjithashtu për 3 ditë agjërim dhe lutje për të kërkuar ndërhyrjen e Perëndisë në vend.

Vitet e fundit, koptët kanë qenë shenjestër e vazhdueshme në Egjipt, por sulmi i së dielës është një nga më të tmerrshmit me të cilët është përballur ky komunitet. « Sot, mund të imagjinojmë edhe se çfarë na rezervon e ardhmja » shkruan Samia Sidhom-i, redaktore e të përjavshmes kopte Al Watani.

Të gjithë të krishterët egjiptianë, të denominacioneve të ndryshme, janë të shqetësuar. Në 7 muaj, tre kisha janë djegur nga islamikët pa ndërhyrjen e asnjë autoriteti. Koptët kishin organizuar një manifestim në rrugët e Kajros për të protestuar mbi të gjitha kundër djegjes së një kishe në qytetin e Asuanit, në jug të vendit në 30 Shtator. Manifestim ky, që u shtyp nga ushtria egjiptiane të dielën në 9 tetor. Numërohen 25 të vdekur dhe më shumë se 300 të plagosur. Fillimisht viktima të goditjeve me gurë, dhe më pas manifestuesit u gjendën në përleshje me forcat e rendit. Ushtria filloi t’i godiste para se të shpërndante turmën me mjete kundër trazirave.

Këto manifestime filluan disa javë përpara zgjedhjeve legjislative që do të zhvillohen më 28 nëntor që prej rënies së Z. Moubarak.

Foto : Manifestim Kopt në Kajro (qershor 2011)