Sudan - Spastrimi etnik shënjestron edhe të krishterët

Në 25 shkurt 2012, pesë anëtarët e të njëjtës familje të cilët frekuentonin Kishën episkopale të Sudanit në Umsirdipa u vranë gjatë një sulmi ajror.

Ndërsa në tokë ushtarët kontrollojnë të gjitha shtëpitë në kërkim të krishterëve duke kontrolluar gjithashtu edhe kishat. Në qytetin kryesor të Kordofanit, Kadugli, janë shkatërruar të paktën katër kisha dhe janë vrarë më shumë se njëzet të krishterë nga qershori i vitit 2011 deri në mars të vitit 2012.Ndërkohë, gjatë një vizite në shkurt, një pastor i krahinës na tha : « Ata mund të djegin ndërtesat tona, por ata nuk mund të djegin Kishën në zemrat tona. » Shumë besimtarë aty na kanë thënë se këto sprova i kanë afruar më shumë te Perëndia. Ndër të tjera, kur shkatërrohet një ndërtesë, kisha vazhdon të mblidhet nën hijen e pemëve.

« Përveç spastrimit etnik dhe problemeve politike të lidhura me këtë luftë, Sudani Verior i quan të krishterët e Malit të Nubës si tradhtarë që kanë nevojë të islamizohen nga xhihadi(lufta e shenjtë) » shpjegon një punonjës OJF- je i cili parapëlqen të mbetet anonim. Duke i dhënë një ngjyrim fetar kësaj lufte, qeveria sudaneze përpiqet të sigurojë mbështetjen e kombeve të tjera islamike.

Kordofani Jugor i pasur me naftë, gjendet në Sudan (Sudani i vjetër Verior), në kufi me Sudanin Jugor. Banorët e tij kishin ndihmuar haptazi rebelët sudanë kundër qeverisë së Kartumit gjatë luftës së dytë civile që kishte vënë veriun dhe jugun kundër njëri tjetrit, që nga viti 1983 deri në vitin 2005. Ushtarët sudanezë po bëjnë një spastrim të vërtetë etnik të popullsisë në Nuba. Mes viktimave gjenden myslymanë dhe të krishterë, por prej disa kohësh, të krishterët janë vënë në shënjestër.