Egjipt - Revolucioni i shpirtrave

Krah për krah revolucionit politik, një revolucion shpirtëror po zë vend, plot shpresë për të krishterët egjiptianë, pavarsisht nga kërcënimet e islamikëve

Para 2000 vjetësh Jezusi po e përmbyste sistemin e kohës me mesazhin e dashurisë dhe të paqes. Që në atë kohë, një ndryshim thelbësor ndodhi në zemrat e atyre që besuan në të. Më pas ai vdiq në kryq që të shpëtohen edhe të tjerë me të vetmin kusht që të pendohen dhe ta pranojnë atë si shpëtimtar. Ky ishte dhe fillimi i një revolucioni për miliona njerëz që duke u bërë të krishterë, morën sigurinë e jetës së përjetshme. Ky revolucion shpirtrash vazhdon akoma sot dhe më shumë se 150 milionë të krishterë janë gjithnjë të përndjekur, ashtu si Jezusi në kohën e tij.

Ky revolucion është më i gjati ndër revolucionet politike të historisë njerëzore. Revolucionet e mësëfundmi, ato arabe, nuk duket se po i realizojnë premtimet e dhëna për liri. Një pastor egjiptian ka thënë : “ E ardhmja e Egjiptit është njohja e së vërtetës dhe përgjigja për problemet e egjiptianëve mbi të gjitha është shpirtërore.” Të krishterët egjiptianë janë në pasiguri për të ardhmen e tyre, por shohin dorën e Perëndisë të veprojë në vend.

Madje që para fillimit të revolucionit, ishin formuar grupe lutjeje në vend dhe të krishterët luteshin për një rizgjim shpirtëror në Egjipt. Shumë përgjegjës kishash të denominacioneve të ndryshme kishin ndjesinë se viti 2011 do të ishte domethënës dhe se shpirtërisht do të ndodhte diçka e rëndësishme. I tillë qe rasti, kur më 11 nëntor 2011,50 000 mijë të krishterë u gjendën në takimin më të madh të lutjes të organizuar në Egjipt dhe që prej asaj kohe Fryma e Perëndisë nuk ndalon së vepruari në vend.

Foto : Takimi më i madh i lutjes organizuar nga të krishterët egjiptianë